Alaioli
மலேசிய மருத்துவச் சுற்றுலா – RM3 பில்லியன் வருவாய் இலக்கு

தி. கிரிஷன் 


கோலாலம்பூர் டிசம்பர் 10- : இவ்வாண்டு மருத்துவச் சுற்றுலாத் துறையிலிருந்து 2.5 மில்லியன் பயணிகள் வருகையை முன்னிட்டு RM3 பில்லியன் வருமானத்தைப் பெறுவது மலேசியாவின் குறிக்கோளாகும். கடந்த ஆண்டு 1.6 மில்லியன் சுகாதார சுற்றுலாப் பயணிகள் மூலம் RM2.72 பில்லியன் வருவாய் ஈட்டப்பட்டதை அடிப்படையாகக் கொண்டு, இவ்விலக்கு யதார்த்தமானது என சுகாதார அமைச்சர் தத்தோஸ்ரீ டாக்டர் சுல்கிஃப்லி அஹ்மத் தெரிவித்தார்.


உலகளாவிய மருத்துவப் பயணிகளை அதிக அளவில் ஈர்க்கும் வகையில் மலேசிய மருத்துவச் சுற்றுலா ஆண்டு (MYMT) 2026 முயற்சியும் துறையின் வளர்ச்சியை மேலும் வலுப்படுத்தும் என அவர் கூறினார்.


“இது எங்கள் திட்டமிட்ட முயற்சி. இந்த வருவாய் இலக்கைத் தாண்ட முடியும் என்று நம்புகிறோம்; அதை அடைவதற்காக நாம் விடாமுயற்சி காட்டுவோம்,” என்று அவர் தலைநகரில் நடைபெற்ற ஃபிளாக்ஷிப் மெடிக்கல் டூரிசம் மருத்துவமனை (FMTH) 2025 விருது வழங்கும் விழாவிற்குப் பிறகு கூறினார்.


விழாவில் எம்எச்டிசி தலைமை நிர்வாக அதிகாரி சுரிகண்டி சுப்பையா மற்றும் MYMT 2026 தூதுவர் தத்தோஸ்ரீ சிட்டி நூர்ஹலிசாவும் கலந்து கொண்டனர்.

Leave a Comment
Categories
Trending News