• மாநிலம் மூன்று மாநிலங்களில் கடும் வெப்பம்
• Share On:
• admin on 2025-06-04 08:54:36

மலேசியாவின் வானிலை ஆய்வு மையமான மெட்மலேசியா, சில மாநிலங்களில் நீடித்த கடும் வெப்பத்தால் வானிலை எச்சரிக்கை நிலை அறிவிக்கப்பட்டுள்ளதாக தெரிவித்துள்ளது.

பேராக், கிளந்தான் மற்றும் கெடா ஆகிய மாநிலங்களின் சில மாவட்டங்களில், கடந்த மூன்று நாட்களாக அதிகபட்ச வெப்பநிலை 37°C-ஆக நிலைத்திருப்பது காரணமாக, அங்கு எச்சரிக்கை நிலை அமல்படுத்தப்பட்டுள்ளது.

பேராக் மாநிலத்தில் Larut & Matang, Kuala Kangsar மற்றும் மத்திய பேராக் மாவட்டங்கள் இந்த வெப்ப அச்சுறுத்தலால் பாதிக்கப்பட்டுள்ளன. கிளந்தான் மாநிலத்தில் மாச்சாங் மற்றும் கோல கிராய் ஆகிய பகுதிகளும் கடும் வெப்பத்தால் தவிக்கின்றன.

மற்றைய மாநிலங்களில், குறிப்பாக சபா மற்றும் சரவாகில், வெப்பநிலை குறைவாகவே பதிவாகி வருகிறது. இவ்வருட காலநிலை மாறுபாடுகள், நாடு முழுவதும் மக்கள் சுகாதாரம் மற்றும் இயற்கை சூழலுக்கு எதிரான புதிய சவால்களை உருவாக்கி வருகின்றன.