• மலேசியா பினாங்கு ஆளுநர் தலைமையில் பினாங்கு மாநில மலேசிய சாரணர் கூட்டமைப்பின் விருதளிப்பு விழா!
• Share On:
• ramani on 2025-12-02 10:54:47

பினாங்கு டிசம்பர் 2 பினாங்கு மாநில மலேசிய சாரணர் கூட்டமைப்பின் 2025ஆம் ஆண்டுக்கான, பினாங்கு சாரணர் மன்னர் சாரணர் நட்சத்திரம், பதக்கம் மற்றும் சான்றிதழ் விருது வழங்கும் விழா மாநில ஆளுநர் துன் டத்தோஸ்ரீ உத்தாமா துன் டாக்டர் ஹஜி ரம்லி ஙா தாலீப் தலைமையில் இங்கிருக்கும் கொம்தார் கட்டடத்தின் “தி டாப்” உணவக வளாகத்தில் நடைபெற்றது.

பினாங்கு மாநில மலேசிய சாரணர் கூட்டமைப்பின் (PPMNPP) புரவலரான மேன்மை தங்கிய துன் டத்தோஸ்ரீ உத்தாமா ஹஜி ரம்லி ஙா தாலிப், மாநில சாரணர்களின் 23 உறுப்பினர்களுக்கு மன்னர் சாரணர் சான்றிதழ் வழங்கும் விழாவையும், அதன் தொடர்புடைய அமைப்பு இயக்கத்தின் கௌரவத்தை உயர்த்துவதில் தீவிர ஈடுபாடு மற்றும் சிறந்தப் பங்களிப்புகளுக்காக தேர்ந்தெடுக்கப்பட்ட 386 பெறுநர்களுக்கு நட்சத்திரங்கள் மற்றும் பதக்கங்களை வழங்கி சிறப்பித்தார்.