• மலேசியா சுங்கை பட்டாணியில் எம்.ஜி.ஆர் 109-வது பிறந்தநாள் விழா - கடார வள்ளல்’ டாக்டர் சின்னையா சிறப்பு வருகை!
• Share On:
• ramani on 2026-03-03 08:39:48

அகல்யா

​சுங்கை பட்டாணி, மார்ச் 3 - மக்களின் இதயங்களில் நீங்கா இடம் பிடித்த புரட்சித் தலைவர், பொன்மனச் செம்மல், டாக்டர் எம்.ஜி.ஆரின் 109-வது பிறந்தநாள் விழா சுங்கை பட்டாணியில் மிக பிரமாண்டமான முறையில் கொண்டாடப்படவுள்ளது.

விழா விவரம் - 

கெடா மாநில எம்.ஜி.ஆர் கலை கலாச்சார இயக்கத்தின் ஏற்பாட்டில், அதன் தலைவர் தம்பி முருகையா தலைமையில் இந்த விழா நடைபெறவுள்ளது. வரும் 15-03-2026 (ஞாயிற்றுக்கிழமை) மாலை மணி 7:07-க்கு, சுங்கை பட்டாணி காந்தி மண்டபத்தில் இவ்விழா மிகச்சிறப்பாக அரங்கேறவுள்ளது.

சிறப்பு விருந்தினர்கள் -

இவ்விழாவிற்கு மலேசியாவின் எம்.ஜி.ஆர் என்று அன்போடு அழைக்கப்படுபவரும், ‘கடார வள்ளல்’, ‘கருணைக் கடல்’ எனப் புகழப்படுபவருமான டாக்டர் சின்னையா மற்றும் டாக்டர் ஜோபினா நாயுடு ஆகியோர் சிறப்பு வருகை தந்து விழாவை அதிகாரப்பூர்வமாகத் தொடக்கி வைக்கவுள்ளனர்.

​டாக்டர் சின்னையா - ஒரு பார்வை.

மலேசியத் தமிழர்களிடையே எம்.ஜி.ஆரின் கொள்கைகளையும், அவரின் கலைப் பயணத்தையும் தொடர்ந்து முன்னெடுத்துச் செல்பவர் டாக்டர் சின்னையா. ஏழை எளிய மக்களுக்கு உதவுவதில் ‘பொன்மனச் செம்மல்’ வழியைப் பின்பற்றி வருவதால், இவர் மக்களால் \'கருணைக் கடல்\' என்றும் ‘கடார வள்ளல்’ என்றும் போற்றப்படுகிறார்.

​புரட்சித் தலைவர் எம்.ஜி.ஆர் 109 -

தமிழகத்தின் முன்னாள் முதலமைச்சரும், திரையுலகின் ஈடு இணையற்ற நாயகனுமான டாக்டர் எம்.ஜி.ஆர், தனது திரைப்படங்கள் மற்றும் அரசியல் வாழ்வின் மூலம் ஏழை எளிய மக்களின் முன்னேற்றத்திற்காகப் பாடுபட்டவர். அவரின் 109-வது பிறந்தநாளை முன்னிட்டு, அவரது சாதனைகளை நினைவுகூரும் வகையில் இந்த கலைவிழா வடிவமைக்கப்பட்டுள்ளது.

கலை நிகழ்ச்சிகள் -

கெடா மாநிலத்தின் மண்ணின் மைந்தன் தம்பி முருகையா தயாரிப்பில், எம்.ஜி.ஆரின் பாடல்கள், நடனம் மற்றும் பல்வேறு சுவாரசியமான கலை அங்கங்கள் இவ்விழாவில் இடம்பெறவுள்ளன.

​புரட்சித் தலைவரின் புகழைப் பாடும் இந்த பிரமாண்ட விழாவில் பொதுமக்கள் அனைவரும் திரளாகக் கலந்துகொண்டு சிறப்பிக்குமாறு ஏற்பாட்டுக் குழுவினர் அன்புடன் கேட்டுக்கொள்கின்றனர். மேலும் ஒரு சிறப்பு விருந்தினராக டத்தோ மரியதாஸ் கோபால் டத்தின் ஜேஜே பங்கேட்கிறார்கள்.