• மலேசியா ஸ்ரீ முனீஸ்வரர் ஆலயத்தில் மண்டல பூஜை நிறைவு - எம். தேவா தலைமையில் கிடா பூஜை விழா!
• Share On:
• ramani on 2026-04-03 14:48:58

அகல்யா

​பிறை, ஏப். 3 - பினாங்கு, ஜாலான் பாருவில் அமைந்துள்ள அருள்மிகு ஸ்ரீ முனீஸ்வரர் ஆலயத்தின் மகா கும்பாபிஷேகத்தை முன்னிட்டு நடைபெற்று வந்த மண்டல பூசை, மிகச் சிறப்பான முறையில் நிறைவு பெறவுள்ளது. இந்த 48 நாள் புனித வைபவத்தின் ஒரு பகுதியாக, எதிர்வரும் ஏப்ரல் 12-ஆம் தேதி மாபெரும் \"கிடா பூஜை\" (ஆட்டு கிடா படைத்தல்) நடைபெறவுள்ளது.

​பக்திப் பரவசத்தில் பக்தர்கள்

​அண்மையில் இந்த ஆலயத்தின் நன்னீராட்டுப் பெருவிழா (கும்பாபிஷேகம்) பல்லாயிரக்கணக்கான பக்தர்கள் முன்னிலையில் வெகு விமர்சையாக நடைபெற்றது. அதனைத் தொடர்ந்து, ஆலயத்தின் புனிதத்தன்மையை நிலைநிறுத்தவும், இறைவனின் அருளாசி முழுமையாக பக்தர்களுக்குச் சென்றடையவும் 48 நாட்கள் மண்டல பூஜைகள் தொடர்ந்து நடைபெற்று வந்தன.

​இந்த மண்டல பூஜை நிறைவு விழாவை முன்னிட்டு நடைபெறும் கிடா பூஜை குறித்து, எம்.எஸ்.டி  குரூப் ஆஃப் கம்பெனிஸ் மேலாண்மை இயக்குனர்  எம். தேவா  சிறப்புச் செய்தியினைப் பகிர்ந்து கொண்டார். அவர் பேசுகையில்,

​அருள்மிகு ஸ்ரீ முனீஸ்வரர் ஆலயத்தின் கும்பாபிஷேக விழாவைத் தொடர்ந்து, மண்டல பூசையின் நிறைவாக இந்த கிடா பூஜை வழிபாட்டை முன்னெடுப்பதில் நாங்கள் பெருமகிழ்ச்சி அடைகிறோம். இது ஒரு ஆன்மீகக் கடமை மட்டுமல்லாமல், சமுதாயத்தினர் அனைவரும் ஒன்றுகூடி இறைவனின் ஆசியைப் பெறும் நல்வாய்ப்பாகும் எனத் தெரிவித்தார்.

​இந்த ஆன்மீக விழாவினை எம். தேவா மற்றும் திருமதி விக்கினேஸ்வரி தம்பதியினர் உபயதாரர்களாக ஏற்று வழிநடத்துகின்றனர்.பக்தர்கள் அனைவரும் இந்த புனித வழிபாட்டில் கலந்துகொண்டு அருள் பெறுமாறு கேட்டுக்கொள்ளப்படுகிறார்கள்.12 ஏப்ரல் 2026 ஞாயிற்றுக்கிழமை, மதியம் 12:00 மணிக்கு பிறை ஸ்ரீ முனீஸ்வரர் ஆலயம், ஜாலான் பாரு, பிறையில் நடைபெறும் என்று எம்.தேவா குறிப்பிட்டார்.

​இந்த விழாவிற்கான ஏற்பாடுகளை எம்எஸ்டி நிர்வாகி,  தேவா ஃபுட் கேட்டரிங் நிறுவனங்களின் குழுவினர் மிகச் சிறப்பாகச் ஏற்பாடு செய்து வருகின்றனர். திரளான பக்தர்கள் கலந்துகொண்டு இந்த ஆன்மீக நிகழ்வைச் சிறப்பிக்குமாறு ஆலய நிர்வாகமும் உபயதாரர்களும் அன்புடன் அழைப்பு விடுத்துள்ளனர்.