• ஆன்மிகம் ஸ்ரீ அக்னி முனீஸ்வரர் ஆலயம் & புக்கிட் மெர்தாஜாம் இந்து சங்கம் இணைந்து புத்தாண்டு விழா
• Share On:
• ramani on 2026-01-01 16:39:36

புக்கிட் மெர்தாஜாம்  ஜன 1 – இன்று பெர்மாத்தாங்  திங்கி   ஸ்ரீ அக்னி முனீஸ்வரர் ஆலயம், பெர்மாத்தாங் திங்கி, சிம்பாங் அம்பாட் பகுதியில், ஸ்ரீ அக்னி முனீஸ்வரர் ஆலயம் மற்றும் MHS (Malaysian Hindu Sangam) புக்கிட் மெர்தாஜாம் இந்து  இணைந்து புத்தாண்டு விழாவை சிறப்பாகக் கொண்டாடினர்.

இந்த நிகழ்ச்சிக்கு பெர்மாத்தாங்  திங்கி   ஸ்ரீ அக்னி முனீஸ்வரர் ஆலயம், மலேசிய  இந்து சங்கம் செயலவை உறுப்பினர்கள் சிறப்பாக நடத்தினர். மருத்துவ முகாம் (Medical Camp)குழந்தைகளுக்கான வண்ண ஓவியப் போட்டி (Children Coloring Contest) பெற்றோர்களுக்கும் மாணவர்களுக்கும் கல்வி தொடர்பான விழிப்புணர்வு உஉரை ஆகியவை நடத்தப்பட்டது 

மேலும், மலேசிய இந்து சங்கம்  பினாங்கு மாநிலத் தலைவர் திரு. விவேகரத்னம் தார்மன்  அவர்கள் சிறப்பு உரையாற்றி, கல்வியின் முக்கியத்துவம், பெற்றோர்களின் பங்கு மற்றும் மாணவர்களின் எதிர்கால வளர்ச்சி குறித்து எடுத்துரைத்தார்.இந்த சிறப்பு விழாவில் புக்கிட் தென்கா சட்டமன்ற உறுப்பினர் கோய் அவர்களின் பிரதிநிதியாக திருமதி சர்மிளா கலந்துக்கொண்டனர். 

புத்தாண்டை சமூக நலன், கல்வி மற்றும் ஆரோக்கியம் ஆகியவற்றுடன் இணைத்து கொண்டாடிய இந்த நிகழ்வு, பொதுமக்களிடையே பெரும் வரவேற்பைப் பெற்றது. குழந்தைகள், பெற்றோர்கள் மற்றும் பகுதி மக்கள் திரளாக கலந்து கொண்டு நிகழ்ச்சியை சிறப்பித்தனர்.இந்த புத்தாண்டு விழாவை ஸ்ரீ அக்னி முனீஸ்வரர் ஆலயம் ஏற்பாடு செய்ததுடன், புக்கிட் மெர்தாஜாம் இந்து சங்கம்  இணை ஆதரவு வழங்கியது .இந்த புத்தாண்டு விழாவில் ஸ்ரீ அக்னி முனீஸ்வரர் ஆலய தலைவர் ஜோசப் செல்வம்,ஆலய செயலாளர் எஸ்.பாலச்சந்தர், புக்கிட் மெர்தாஜாம் இந்து சங்க தலைவர் ஜோன்  ஜெய்சன்   மற்றும்  சுற்று வட்டாரப் மக்கள் திரளாக கலந்துகொண்டதுடன்,நடத்தப்பட்ட போட்டிகளில் வெற்றி பெற்ற  மாணவர்களுக்கு ஏற்பாட்டுக் குழுவினர் பரிசுகளை எடுத்து வழங்கினர்.சிம்பாங் அம்பாட்  மசூரி  கிளினிக் சந்துரு அவர்கள்   சார்பில் 25  மாணவர்களுக்கு தலா ரிம 100 வெள்ளி வீதம் பள்ளி சீருடைக்கான பற்று சீட்டுகள். வழங்கப்பட்டது குறிப்பிடத்தக்கது