தஞ்சோங் நாடாளுமன்ற உறுப்பினரும் நிதித்துறையின் துணையமைச்சருமான லிம் ஹூய் யிங் தலைமையிலும் மாநிலச் சுற்றுலா மற்றும் பொருளாதாரத் துறைக்கானஆட்சிக்குழு உறுப்பினர் வோங் ஹொன் வை பார்வையுடனும் இந்த உணவு விழா விமரிசையாக களை கட்டியிருந்த நிலையில் இதற்கு மாநிலத்தின் பல்வேறு அரசியல் பிரமுகர்களுடனும், இதரப் பல அழைப்பாளர்களுடனும், மாநகர் மன்ற மேயர் டத்தோ அ.ராஜேந்திரன் தம்பதியர் சிறப்பு வருகையாளர்களாக கலந்து கொண்டனர்.

     

பலதரப்பட்ட உணவு வகைகளின் படையல்களும் காட்சிக் கூடங்களும் மாநிலத்திலுள்ள சமூகங்களுக்கிடையேயான கலாச்சாரக் கூறுகளை பிரதிபலித்துக் காட்டிய வேளையில், இங்கு படைக்கப்பட்ட பல்வேறு சமூகங்களின் பாரம்பரியமிக்க நடனங்கள் மற்றும் இசை நிகழ்ச்சிகள் பார்வையாளர்களை பெரிதும் கவர்ந்து பரவசத்தில் ஆழத்தியதோடு, உள்ளக் களிப்பையும் அளித்து, உற்சாகத்தில் திளைக்கச் செய்தன.