• மலேசியா செய்திகள் மாநில அரசின் புரோகிராம் டிரான்ஸ்ஃபோர்மஸி பெர்னியாகா கெச்சில் (டேப்ஸ்) நிகழ்ச்சியில் 180 பங்கேற்பு
• Share On:
• ramani on 2026-05-21 11:31:14

எஸ்.எஸ்.மணிமாறன்

ஷா ஆலம். மே 21 -  மனித வள மக்கள் நலப் பிரிவின் கண்காணிப்பில் செயல்படும் புரோகிராம் டிரான்ஸ் ஃபோர்மஸி பெர்னியாகா கெச்சில் என்றழைக்கப்படும் டேப்ஸ் எனும் சிறு தொழில் திட்டத்தில் 180 பேர் மிகுந்த ஆர்வத்துடன் பங்கேற்றதாக மனித வள மக்கள் நலப் பிரிவின் ஆட்சிக் குழு உறுப்பினர் பாப்பா ராய்டு வீரமான் தகவல் தெரிவித்தார்.

இங்கு, ஷா ஆலம் செக் சன் 7 இல் அமைந்துள்ள பிகேஎன்எஸ் பிஷ் பொயிண்ட் கட்டடத்தில்  இன்று மதியம் நடைபெற்ற நிகழ்ச்சியில் தாம் கலந்து கொண்டு சிறு தொழில் வியாபாரம் குறித்த விளக்கம் அளித்த தோடு, நிகழ்ச்சியில் 3 ஆயிரம் ரிங்கிட்டும் குறைவான வருமானம் பெறுவோருக்கான விவரங்களை முன்னெடுத்து தெரிவித்ததாக அவர் கூறினார். 

மாநில அரசின் ஐ..சீட் உதவிப் பொருள் திட்டம் வாயிலாக புளூ பிரிண்ட் எனும் இந்த நடவடிக்கை வசதி குறைந்த குடும்பங்களைச் சேர்ந்தவர்களுக்கு உதவிக் கரம் நீட்டுவதோடு வறுமை ஒழிப்பைக் குறைத்து சிறு தொழில் செய்வோர் நலம் பெறும் வகையில் அதன் செயலாக்கம் செம்மையாக அமைய முன்னெடுக்கப்பட்டுள்ள மக்கள் நலத்திட்டமாகும் என்றும் பந்திங் சட்ட மன்ற உறுப்பினருமான பாப்பா ராய்டு தெரிவித்தார். 

சிறு தொழில் செய்வோர் சிலர் இந்த நிகழ்ச்சியில் அதற்கான உதவித் தொகையைப் பெற்றுக் கொண்டனர்.  மாநில அரசின் ஐ..சீட் உதவிப் பொருள் தலைமை ஒருங்கிணைப்பாளர் மாதவன் முனியாண்டி இந்த நிகழ்ச்சியில் கலந்து கொண்டார்.-Alaiolinews