• சினிமா எதிர்பாராத காரணங்களால் ‘ஜன நாயகன்’ முதற்கட்ட வெளியீடு ஒத்திவைப்பு – "மாலிக் ஸ்ட்ரீம்" நிறுவனம் அறிவிப்பு
• Share On:
• ramani on 2026-01-07 20:57:09

எதிர்பாராத சூழ்நிலைகள் காரணமாக, 2026 ஜனவரி 9 ஆம் திகதி வெளியிட திட்டமிடப்பட்டிருந்த ஜன நாயகன் திரைப்படத்தின் முதற்கட்ட வெளியீடு தற்காலிகமாக தள்ளிவைக்கப்பட்டுள்ளது. இந்த முடிவு சில தவிர்க்க முடியாத காரணங்களின் அடிப்படையில் எடுக்கப்பட்டதாக நிறுவனம் விளக்கம் அளித்துள்ளது.

தற்போது தயாரிப்புக்  குழுவிடமிருந்து மேலதிக புதுப்பிப்புகளை எதிர்நோக்கி காத்திருக்கின்றோம் என்றும்  திரைப்படத்தின் புதிய வெளியீட்டு திகதி பின்னர்  உறுதிசெய்யப்பட்டவுடன் , அதற்கான அதிகாரப்பூர்வ அறிவிப்புகள் மாலிக் ஸ்ட்ரீம் நிறுவனத்தின் அங்கீகரிக்கப்பட்ட தளங்களிலும் ஊடக வழிகளின் மூலம் மட்டுமே வெளியிடப்படும் என தெரிவிக்கப்பட்டுள்ளது.

இந்த இடைக்காலத்தில், அனைத்து ரசிகர்களும் ஆதரவாளர்களும் பொறுமையுடனும் நேர்மறை அணுகுமுறையுடனும் இருக்குமாறும்  நிறுவனம் அன்புடன் கேட்டுக்கொண்டுள்ளது. மேலும், அதிகாரப்பூர்வமற்ற ஆதாரங்களில் இருந்து பரவும் சரிபார்க்கப்படாத அல்லது தவறாக வழிநடத்தும் தகவல்களை பகிர்வதையோ அல்லது அவற்றில் ஈடுபடுவதையோ தவிர்க்குமாறும் வலியுறுத்தியுள்ளது.

பல முக்கியமான ஏற்பாடுகள் இன்னும் நடைபெற்று வருவதால், இந்த விவகாரத்தில் அனைவரின் புரிதலும் ஒத்துழைப்பும் அவசியம் என மாலிக் ஸ்ட்ரீம் நிறுவனம் தெரிவித்துள்ளது. ஒற்றுமையுடனும் அமைதியுடனும் இருந்து, ஒரு நேர்மறையான தீர்வை எதிர்பார்த்து காத்திருப்போம் எனவும் அவர்கள் கூறினர்.

இறுதியாக, இதுவரை இரசிகர்கள் வழங்கி வரும் தொடர்ந்த ஆதரவுக்கும் அன்புக்கும் நிறுவனம் தமது மனப்பூர்வமான நன்றிதனைத் தெரிவித்துள்ளது.